LABORATORIO ARTE & SIENSIA BONÈIRU TA UN PLATAFORMA I ESPASIO KU KE EKSPLORÁ KOLABORASHON ENTRE ARTE I SIENSIA, I KON ESAKINAN POR STIMULÁ INOVASHON DEN PRODUKSHON DI ARTE, TRESE BOS LOKAL, I ASENTUÁ DIVERSIDAT DI EKSPERENSIA BIBÁ PA UN PÚBLIKO MAS AMPLIO.
Kontribuí na komprenshon kolektivo di bo sosiedat pa bo i e generashonnan binidero;
Opservá i haña perspektiva nobo di diferente lugá na Bonèiru;
Hasi pregunta nobo, ancha bo perspektiva visual i tende diferente bista riba tópiko kontemporáneo na Bonèiru;
Interpretá bo persepshon i opinion relashoná ku tópiko kontemporáneo na Bonèiru;
Si bo tin meta artístiko, bo por haña diferente tep pa desaroyá bo práktika artístiko, tantu lokal- komo internashonalmente;
Si bo tin aspirashon akadémiko òf bo ta traha na akademia, bo por eksperimentá ku método artístiko nobo i desaroyá abilidat nobo kon ta aserká investigashon na e intersekshon di arte i siensia;
Siña manera pa distribuí bo trabou di arte nobo i eksitante den un eksposishon i/òf online.
Produsí trabou di arte nobo den bo medio di eskoho, basá riba bo eksperensia i konosementu nobo risibí durante e laboratorio.
PARTISIPASHON NA E PROGRAMA TA GRÁTIS, PERO MESTER INSKRIBÍ ADELANTÁ SÍ. POR INSKRIBÍ TE DIA 25 DI APREL 2024.
PARTISIPASHON TA GRÁTIS, PERO PARTISIPANTE MESTER KUMPRA I TRESE NAN MES MATERIAL PA TRAHA NAN PIESA DI ARTE.
Danki na entre otro e areglo di porsentahe di ‘Beeldende Kunst van Rijksgebouwen’ (Arte plástiko di edifisio di estado) ku a realisá e kuadro di e Laboratorio di Arte & Siensia akí.
